Би сакал да бидам најпаметен човек.
Ама кому ќе му треба таква будала?!

Како да замислам пет македонски политичари,
кога не можам ниту еден да смислам?!

Земјата ни е тешка кога сме живи.
А кога ќе умреме – лесна ни земја!

Сакав да водам љубов со афоризам.
Додека да ги симнам гаќите – тој сврши!

Кого да сака – татковината или газот?
Се реши за газот – некако поблизок му е!

Наш проблем е што сме мнозинство.
Европа ќе не засака кога ќе станеме малциннство!

Жито увезуваме.
Какол имаме и за извоз.

Имавме јасна визија,
ама ни ја поматија оние што продаваат магла!

Никој е смее да ми забрани да јадам лајна!
Според уставот - сите сме еднакви,
па и со политичарите.

За да не останеме без работа,
Господ ни направи дупка – на задникот!

Народ кој бара леб,
утре ќе побара и сол!

Угледот во светот ни е немерлив.
Катар не не мери.

И позицијата и опозицијата имаат глава.
Само што на секои четири години
им се менува местоположбата.

Го пишувам она што го мислам,
а заборавив дека кај нас мислењето е забрането!

Коњот го трпи јавачот
сe додека јавачот не почне да мисли како коњ!